“…Шчасце знойдзе кожнага на гэтай зямлі…”
Пад такой назвай 19 красавіка 2018 года ў Тэхналагічным каледжы адбылася літаратурная сустрэча з вядомым беларускім бардам, акторам і пісьменнікам Віктарам Шалкевічам.
Яго імя вядома з дзяцінства маленькім прыхільнікам Гарадзенскага абласнога тэатра лялек. Яго ведаюць тыя, для каго Драматычны тэатр – лепшае месца адпачынку. Ён назаўсёды застанецца лепшым выкладчыкам для шматлікіх студэнтаў Гарадзенскага каледжа мастацтваў.
У навучэнцаў і калектыва каледжа была цудоўная магчымасць даведацца з першых вуснаў пра першае каханне, адкуль прыйшла любоў да слова беларускага, да гітары, чым сёння жыве і дыхае наш славуты зямляк.
Сустрэча прайшла ў вельмі шчырай, сяброўскай атмасферы. Віктар заварожваў усіх прысутных сваёй неверагоднай харызмай і талентам.