Міжнародны дзень роднай мовы
Традыцыйна, 21 лютага, навучэнцы і супрацоўнікі каледжа адзначылі Дзень роднай мовы.
Гэты дзень – нагода для нас яшчэ раз задумацца аб лёсе той, адзінай, якую мы завем матчынай. Якая прыйшла да нас з малаком матулі, на якой мы думаем, на якой вымавілі першае слова і на якой размаўлялі нашы продкі.
Беларуская мова прайшла доўгі гістарычны шлях, на якім былі як часы росквіту, так і часы заняпаду.
Гэты дзень у каледжы сапраўды стаў святочным. З самага ранку на ўсіх перапынках паміж заняткамі гучалі песні на роднай мове.
І, канешне, традыцыйнае чытанне вершаў. Жадаючых было шмат: навучэнцы і выкладчыкі чыталі не толькі тыя вершы, што прапанавалі супрацоўнікі бібліятэкі, але і свае, улюбёныя.
Усе ўдзельнікі атрымалі салодкі падарунак і паветраны шарык. Настрой у кожнага быў цудоўны, святочны, бо, згодна з вядомай прымаўкай, ніхто не можа сумаваць, калі ў яго ёсць паветраны шарык.